Hugleiðingin um daginn í dag.

Datt óvart inn á þessa síðu sem ég hef alveg gleymt að var til. En hér á Ísafirði er hið allra fallegasta veður í dag, heiður himinn,vægt frost og sól á fjallatoppum.  Viðburðaríkt ár er nú liðið og litið er með björtum augum til hins nýja árs. Margt er planað á hinu nýja ári, meðal annars ferð til USA í október en þá er stórafmæli hjá mér, og óbyggðaferðir innanlands, kajakferðir, hjólaferðir um Djúpið fallega, sem við vestfirðingar erum svo stoltir af. Það er gott að búa á Ísafirði, alltaf eitthvað að gera og örstutt í frítímasportið, hvort sem það er útivist á fjöllum,stangveiði í ám, skotveiði fugla eða kajakferðir um firði og haf. Hvar er til dæmis aðeins 2 mínútur að heiman í á að ná sér bleikju í soðið. Eða 5 mínútur á skíðasvæðið, 15 mínútur á gæsaslóð eða í rjúpnalönd. Já Guð er góður að leyfa mér að búa hér, með öllum mínum nánustu að mestu leiti. Vona að þið sem þetta lesið staldrið við og horfið á það góða sem lífið hefur uppá að bjóða, og ef dimmir um stund þá er bara að leita ljósið uppi og horfa í það.